ЖЕНДЭРИЙН ҮНДЭСНИЙ ХОРОО, ОЛОН УЛСЫН ЭРХ ЗҮЙН ХӨГЖЛИЙН БАЙГУУЛЛАГА “ХАМТЫН АЖИЛЛАГААНЫ САНАМЖ БИЧИГ”-Т ГАРЫН ҮСЭГ ЗУРЛАА

2026-06-30

Жендэрийн үндэсний хороо, Олон улсын эрх зүйн хөгжлийн байгууллага (ОУЭЗХБ)- Канад Улсын Засгийн газрын санхүүжилттэй #“Монгол_Улсад_жендэрт_суурилсан хүчирхийлэлтэй тэмцэх тогтолцоог бэхжүүлэх нь (2025–2030)” төслийн хоёрдугаар шатны хүрээнд хамтын ажиллагааг шинэ шатанд гаргах зорилгоор 2026 оны 6 сарын 30-ны өдөр “Хамтын ажиллагааны санамж бичиг”-т гарын үсэг зурлаа.

Энэхүү санамж бичгийг байгуулснаар талууд ирэх таван жилийн хугацаанд Монгол Улсын хэмжээнд жендэрт суурилсан хүчирхийлэл болон гэр бүлийн хүчирхийллээс урьдчилан сэргийлэх, хохирогчийг хамгаалах, хууль сахиулах болон шүүх эрх мэдлийн байгууллагын алба хаагчдын дунд “хохирогч төвтэй” хандлагыг төлөвшүүлэх чиглэлд тууштай хамтран ажиллахаар тохиролцов. Энэхүү түншлэлийн хүрээнд гэр бүлийн болон жендэрт суурилсан хүчирхийлэлтэй тэмцэх эрх зүйн орчныг боловсронгуй болгох, иргэд олон нийтийн ойлголт, мэдлэгийг дээшлүүлэхэд чиглэсэн цуврал үйл ажиллагааг зохион байгуулах юм.

Уг зорилгыг үндэсний болон орон нутгийн түвшинд үр дүнтэй хэрэгжүүлэхэд салбар дундын зохицуулалтыг уялдуулах, жендэрийн эрх тэгш байдлыг хангах төрийн бодлогын хэрэгжилтийг нэгдсэн удирдлагаар хангах чиг үүрэг бүхий Жендэрийн үндэсний хорооны оролцоог онцгойлон тусгасан байна.

Санамж бичигт _ОУЭЗХБ-ын Монгол дахь Суурин төлөөлөгч Чарльз Болланд, Жендэрийн үндэсний хорооны Нарийн бичгийн дарга бөгөөд Ажлын албаны дарга А.Адилбиш нар гарын үсэг зурж баталгаажууллаа.

ЖЕНДЭРИЙН ҮНДЭСНИЙ ХОРОО, ОЛОН УЛСЫН ЭРХ ЗҮЙН ХӨГЖЛИЙН БАЙГУУЛЛАГА “ХАМТЫН АЖИЛЛАГААНЫ САНАМЖ БИЧИГ”-Т ГАРЫН ҮСЭГ ЗУРЛАА

Шинэ мэдээ

УЛСЫН ИХ ХУРАЛ ДАХЬ ЭМЭГТЭЙ ГИШҮҮДИЙН БҮЛЭГТЭЙ УУЛЗАЛТ, ХЭЛЭЛЦҮҮЛЭГ ЗОХИОН БАЙГУУЛЛАА

COP17: Эмэгтэй малчдын бэлчээр хамгаалал, тэсвэрлэх чадварт оруулах хувь нэмрийг нэмэгдүүлнэ

COP17: ЖЕНДЭРИЙН МЭДРЭМЖТЭЙ ГАЗРЫН НӨХӨН СЭРГЭЭЛТЭД ХӨРӨНГӨ ОРУУЛАХЫГ ДЭЛХИЙ НИЙТЭД УРИАЛЛАА

COP17: МАЛЧДЫН НУТАГ, БЭЛЧЭЭРИЙГ ХАМГААЛАХАД НИЙГМИЙН НӨЛӨӨЛЛИЙН ҮНЭЛГЭЭ ЧУХАЛ БАЙНА

УУР АМЬСГАЛЫН ӨӨРЧЛӨЛТ: БЭЛЧЭЭРИЙГ НӨХӨН СЭРГЭЭХЭД ЭМЭГТЭЙЧҮҮДИЙН ОРОЛЦОО ЧУХАЛ ГЭДГИЙГ COP17 ОНЦЛОВ

“НОГООН ИРЭЭДҮЙН ТҮНШЛЭЛ: ЭМЭГТЭЙЧҮҮДИЙН МАНЛАЙЛАЛ” Төрийн албан хаагч эмэгтэйчүүдийн форум зохион байгууллаа

Цөлжилттэй тэмцэх тухай НҮБ-ын Конвенцийн Талуудын 17 дугаар бага хурлын эхний өдөр жендэрийн хурлуудаар эхэллээ

Цахим тест

Санал хүсэлт

Монгол улс, Улаанбаатар 14200-0063 Сүхбаатар дүүрэг 6-р хороо, Нэгдсэн Үндэстний гудамж-20 Жендэрийн үндэсний хорооны байр

(+976) 7007-1113

secretariat@ncge.gov.mn