МАЛЧИН БОЛОН МАЛТАЙ ӨРХ, ЗАЛУУ ГЭР БҮЛИЙН АМЬДРАЛЫН ЧАНАРЫГ ДЭЭШЛҮҮЛЭХЭД ЧИГЛЭСЭН ТУСГАЙЛСАН БОДЛОГО БОЛОВСРУУЛАХ АЖЛЫГ УДИРДЛАГА, АРГА ЗҮЙГЭЭР ХАНГАХ САЛБАР ДУНДЫН АЖЛЫН ХЭСЭГ ХУРАЛДЛАА

2026-07-09
🔹Өнөөдөр (2026.07.09)-ний өдөр малчин болон малтай өрх, залуу гэр бүлийн амьдралын чанарыг дээшлүүлэхэд чиглэсэн тусгайлсан бодлого боловсруулах ажлыг удирдлага, арга зүйгээр хангах _салбар дундын ажлын хэсгийн _хоёрдугаар хуралдааныг зохион байгууллаа.
🔹Хуралдаанд _Жендэрийн үндэсний хорооны Нарийн бичгийн дарга бөгөөд ажлын албаны дарга _А.Адилбиш, Жендэрийн үндэсний шинжээчдийн бүлгийн ахлагч _Д.Сүхжаргалмаа, _Хүний эрхийн үндэсний комисс, _Эдийн засаг, хөгжлийн яам, _Боловсролын яам, _Гэр бүл, хөдөлмөр, нийгмийн хамгааллын яам, _Соёл, спорт, аялал жуулчлал, залуучуудын яам, _Хүнс, хөдөө аж ахуй, хөнгөн үйлдвэрийн яамны төлөөллүүд болон ажлын хэсгийн бусад төлөөллүүд оролцлоо.
🔹Тус ажлын хэсгийн Нарийн бичгийн дарга, Жендэрийн үндэсний хорооны техникийн зөвлөх _Т.Амгалан “Залуу малчдын гэр бүлийн болон нийгмийн тулгамдсан асуудлыг жендэрийн арга зүйгээр дэмжих зорилтот бодлого, үйл ажиллагааны төлөвлөгөө”-ний төслийг танилцуулж хэлэлцүүллээ.
🔹2024 оны эцсийн байдлаар Монгол Улсын бүртэлтэй хүн амын _51.8 хувь нь орон нутагт амьдарч байна. Нийт өрхийн 25.8 хувийг малтай өрх, үүний _73.5 хувийг жилийн дөрвөн улирлын туршид мал маллаж, малын ашиг шимийг амьжиргааны эх үүсвэр болгож буй малчин өрх эзэлж байна. Малчин өрхөд нийт хүн амын _19.4 хувь нь амьдарч байна.
🔹2000 оноос хойш хүн амын бүтэц, ялангуяа малчдын дунд хүйсийн харьцаанд зөрүү үүсэх, залуу эмэгтэйчүүд хот суурин газарлуу шилжих, гэрлээгүй залуу эрэгтэй малчдын тоо нэмэгдэх, гэр бүлийн харилцаа муудах зэрэг анхаарах шаардлагатай _жендэрийн асуудлууд үүсээд байна.
🔹Сүүлийн жилүүдэд хүн амын шилжилт хөдөлгөөн, залуу эмэгтэйчүүдийн хот суурин газар төвлөрөх хандлага, гэрлээгүй залуу эрэгтэй малчдын тоо өсөх, боловсрол, эрүүл мэнд, нийгмийн үйлчилгээний хүртээмжийн ялгаа зэрэг олон хүчин зүйл малчин өрхийн тогтвортой хөгжилд _шинэ сорилтыг бий болгож байна.
🔹Эдгээр асуудал нь зөвхөн хөдөө аж ахуйн салбарын хүрээнд бус, хүн ам зүй, гэр бүлийн хөгжил, хөдөлмөр эрхлэлт, боловсрол, эрүүл мэнд, нийгмийн хамгаалал, орон нутгийн хөгжлийн бодлоготой нягт уялдсан __салбар дундын асуудал__юм.
🔹🔸Иймээс уг бодлогын төсөл нь жендэрийн эрх тэгш байдлыг хангах үндэсний бодлого, хүний эрхэд суурилсан хөгжлийн зарчим, _жендэрийн хувирган өөрчлөх арга зүйг_ хэрэгжүүлэхэд чиглэсэн цогц шийдэл болох юм.

Шинэ мэдээ

Цахим тест



Санал хүсэлт





  • Монгол улс, Улаанбаатар 14200-0063 Сүхбаатар дүүрэг 6-р хороо, Нэгдсэн Үндэстний гудамж-20 Жендэрийн үндэсний хорооны байр

  • (+976) 7007-1113

  • secretariat@ncge.gov.mn

© 2026 он. Жендэрийн үндэсний хороо. Бүх эрх хуулиар хамгаалагдсан. Вэб хөгжүүлэгч Mind Agency