ЖЕНДЭРИЙН ЭРХ ТЭГШ БАЙДЛЫГ ХАНГАХ САЛБАР ДУНДЫН АЖЛЫН ХЭСГИЙН УУЛЗАЛТ БОЛЛОО
Монгол Улсын _Ерөнхий_сайдын_ 2023 оны 12 дугаар сарын 205 дугаар захирамжаар байгуулагдсан “Жендэрийн_эрх тэгш байдлыг _хангах салбар дундын стратеги төлөвлөгөө”-г хэрэгжүүлэх, удирдлага зохион байгуулалтаар хангах ажлын хэсгийн 2 дахь уулзалтыг “Төрийн ордон”-ны “Нутгийн удирдлагын танхим”-д зохион байгууллаа.
Уулзалтыг _ЗГХЭГ-ын дэд дарга _С.Батболд нээж, ажлын хэсгийн гишүүд _71%-ийн ирцтэйгээр, бусад холбогдох яамд болон _Жендэрийн үндэсний хорооны дэргэдэх _Жендэрийн үндэсний шинжээч, албаны мэргэжилтнүүд оролцлоо.
Уулзалтаар _ЖЭТБХСДСТ-ийн эхний үе шат (2023-2026 он)-ны хэрэгжилт, үр дүн болон тулгамдаж буй асуудал, холбогдох мэдээлэл, туршлагаа хуваалцлаа.
Уулзалтаар жендэрийн эрх тэгш байдлыг хангах стратеги төлөвлөгөө (ЖЭТБХСДСТ)-ний_ “Охид, хөвгүүд, эмэгтэй, эрэгтэй хүмүүст эрүүл, аюулгүй амьдрах, сурч боловсрох тэгш боломж бүрдүүлнэ” 1 дүгээр зорилгын хэрэгжилтийг Боловсролын яамны Төрийн нарийн бичгийн дарга Т.Ням-Очир, _”Эдийн засгийн хүрээнд жендэрийн тэгш боломж, тэгш оролцоог дэмжинэ” 2 дугаар зорилгын хэрэгжилтийг ГБХНХЯ-ны Гэр бүлийн бодлогын газрын ахлах мэргэжилтэн Ц.Нямсүрэн, _”Жендэрийн эрх тэгш байдлыг хангах үндэсний тогтолцоог хөгжүүлнэ” 3 дугаар зорилгын хэрэгжилтийг Удирдлагын академийн захирал Д.Байгал, _”Шийдвэр гаргах түвшинд эмэгтэйчүүдийн оролцоо, манлайллыг нэмэгдүүлнэ” 4 дүгээр зорилгын хэрэгжилтийг Төрийн албаны зөвлөлийн гишүүн Б.Пүрэвдагва, _”Уур амьсгалын өөрчлөлтийг сааруулах, дасан зохицоход жендэрийн тэгш оролцоог хангана” 5 дугаар зорилгын хэрэгжилтийг Байгаль орчин, уур амьсгалын өөрчлөлтийн яамны Байгаль орчны улсын хяналтын газрын дарга Б.Мөнхтогтох нар тус тус танилцууллаа.
Хорооны Ажлын албанаас дээрх стратеги төлөвлөгөөний явцын хяналт-шинжилгээг тогтмол хийж байгаа бөгөөд яамд, холбогдох байгууллагаас _2023-2025_онд ирүүлсэн тайлан, мэдээлэлд үндэслэн хийж гүйцэтгэсэн урьдчилсан үнэлгээний үр дүнг танилцуулсан, үүнд:
”Шийдвэр гаргах түвшинд эмэгтэйчүүдийн оролцоо, манлайллыг нэмэгдүүлнэ” 4 дүгээр зорилгын хэрэгжилт 70%,
”Жендэрийн эрх тэгш байдлыг хангах үндэсний тогтолцоог хөгжүүлнэ” 3 дугаар зорилгын хэрэгжилт 66%,
”Эдийн засгийн хүрээнд жендэрийн тэгш боломж, тэгш оролцоог дэмжинэ” 2 дугаар зорилгын хэрэгжилт 50%,
”Уур амьсгалын өөрчлөлтийг сааруулах, дасан зохицоход жендэрийн тэгш оролцоог хангах” 5 зорилгын хэрэгжилт 40%,
”Охид, хөвгүүд, эмэгтэй, эрэгтэй хүмүүст эрүүл, аюулгүй амьдрах, сурч боловсрох тэгш боломж бүрдүүлнэ” 1 дүгээр зорилгын хэрэгжилт 39%-тай тус тус хэрэгжиж байгаа бөгөөд дундаж хэрэгжилт “53%”-ийн хэрэгжилттэй байна.
– Дэд ажлын хэсгийн үйл ажиллагааг идэвхжүүлэх, холбогдох зорилгын хэрэгжилтийг эрчимжүүлэх, салбар дундын удирдлага зохион байгуулалтаар хангах, тогтмол мэдээллийн урсгалыг сайжруулах, хариуцсан жендэрийн мэргэжилтэнд дэмжлэг үзүүлж, арга зүйгээр хангаж ажиллах;
– ЖЭТБХСДСТ-ний зорилго тус бүрийн хэрэгжилтийг бүрэн гүйцэт, бодитой тогтоосон хугацаанд тайлагнах /Боловсролын яам, БОУАӨЯ-нд/;
– ЖЭТБХСДСТөлөвлөгөө нь бие даасан тусгай төсөвгүй. Тиймээс тухайн салбар, байгууллагын бодлого, арга хэмжээний төлөвлөгөө, хэрэгжиж буй төсөл хөтөлбөртэй уялдуулан холбогдох зорилт, арга хэмжээг төлөвлөж, жендэрийн хариуцлагатай төсөвлөлтөөр дэмжих, тухайлбал, _Төрийн албаны зөвлөл болон _Байгаль орчин, уур амьсгалын өөрчлөлтийн яаманд хэрэгжүүлж байгаа _”Жендэр сийл хөтөлбөр”-ийн хүрээнд стратеги төлөвлөгөөний 4, 5, 2 дугаар зорилго, АХБ-тай хамтран хэрэгжүүлж буй Жендэрийн хариуцлагатай төсөвлөлтийн холбогдох төслүүдтэй хамтран _3 дугаар зорилгын хэрэгжилтийг хангахад анхаарах;
– ЖЭТБХСДСТ-ний хэрэгжилтийн эхний үе шатны үнэлгээг хөндлөнгийн судалгааны байгууллагаар гүйцэтгүүлэх сонгон шалгаруулалт хийгдэх тул ЖЭТБХСДСТ-ний хэрэгжилтийн мэдээллийг 2026 оны 8 дугаар сарын байдлаар гаргаж, 09 дүгээр сарын 01-ний дотор _ЖҮХ-ны Ажлын албанд ирүүлэх;
– Хэрэгжилтийн тайлан, мэдээллийг ирүүлэхдээ хэрэгжилтийн нөхцөл байдал, хэрэгжээгүй бол шалтгааныг тодорхойлж үнэн, бодитой, чанарын дүгнэлт гаргах;
Үүнд:
Холбогдох арга хэмжээ хэрэгжихгүй байгаа шалтгаан буюу хууль эрх зүйн орчин өөрчлөгдсөний улмаас хэрэгжүүлэх боломжгүй болсон эсэх,
Хэрэв эрх зүйн орчин өөрчлөгдөөд хэрэгжүүлэх боломжгүй болсон бол одоогийн нөхцөл байдалд сайжруулж хэрэгжүүлэх боломж байгаа эсэх,
Холбогдох арга хэмжээг хэрэгжүүлэхэд арга зүйн дэмжлэг шаардлагатай эсэх зэргийг үндэслэл бүхий нотолгоонд суурилж товч тодорхой мэдээлэхийг тус тус зөвлөлөө.
