“BECAUSE I AM A GIRL” ОХИДЫН ОРОЛЦООНЫ ЧУУЛГАН ЗОХИОН БАЙГУУЛАГДЛАА

“BECAUSE I AM A GIRL” Охидын оролцооны чуулган 2025.03.08-ны өдөр Улаанбаатар хотноо зохион байгуулагдлаа. Чуулганы нээлтийн арга хэмжээнд УИХ-ын дэд дарга Х.Булгантуяа, Жендэрийн үндэсний хорооны Нарийн бичгийн дарга бөгөөд Ажлын албаны дарга Т.Энхбаяр, Монголын Сайн Дурынхны Төвийг үүсгэн байгуулагч Б.Цэвэлмаа нар үг хэллээ. Мөн УИХ-ын гишүүн А.Ариунзаяа, Нийслэлийн Засаг дарга бөгөөд Улаанбаатар хотын захирагчийн боловсрол, эрүүл мэнд хариуцсан зөвлөх Б.Сэмжидмаа нар охидын чуулганыг хүндэтгэн оролцлоо.

“BECAUSE I AM A GIRL” охидын оролцооны чуулган нь “Охидын ирээдүйн төлөөх алсын хараа” уриан дор,

• Охид өөрт тулгамдаж буй асуудлаа таних,охид өөрсдийн эрхийг хамгаалах, үе тэнгийн дээрэлхэлтийг зогсооход дуу хоолой оролцоогоо идэвхжүүлэх,
• Боловсрол, хөгжилд нь анхаарал хандуулах, охидын эрхийн талаарх олон нийтийн ойлголтыг нэмэгдүүлэхэд чиглэсэн олон үйл ажиллагаа, сайн дурын үйлсээр дамжуулан охидыг хөгжүүлэх, төлөвшүүлэх, дэмжих зорилгоор гуравдах жилдээ зохион байгуулагдаж байгаа юм.