МЕНТОРУУДЫН III УЛИРЛЫН УУЛЗАЛТ ЗОХИОН БАЙГУУЛАГДЛАА

2025-10-10
✅️Жендэрийн үндэсний хороо нь Европын холбооны санхүүжилтээр НҮБ-ын Хүн амын сантай хамтран “Монгол Улсад жендэрийн тэгш байдлыг хангах үндэсний чадавхыг бэхжүүлэх нь” төслийг 2024-2025 онд хэрэгжүүлж байна.
✅️Төслийн хүрээнд 21 аймаг, нийслэлийн 9 дүүргийн мэргэжилтнүүдийг ажлын байранд дагалдуулан сургах, бүс нутагтаа жендэрийн мэдрэмжтэй стратегийг үр дүнтэй хэрэгжүүлэх боломж, чадавхыг нэмэгдүүлэх зорилготой “Менторшип” хөтөлбөрийг 2025 оны 04 дүгээр сараас эхлүүлсэн.
✅️Өнөөдөр (2025.10.10) орон нутагт ажилласан менторуудын туршлагыг сонсож, хэлэлцүүлэг өрнүүлэн сайн туршлагыг хуваалцах, сурталчлан таниулах зорилготой уулзалтыг Номун цогцолборт зохион байгуулж байна.
✅️Уулзалтыг нээж, ЖҮХ-ны Нарийн бичгийн дарга бөгөөд Ажлын албаны дарга А.Адилбиш үг хэллээ. Мөн ЖҮХАА-ны техникийн зөвлөх, менторын хөтөлбөрийн зохицуулагч Т.Амгалан “Орон нутгийн жендэрийн асуудал хариуцсан мэргэжилтнүүдэд зориулсан менторшип хөтөлбөр”-ийн үйл ажиллагааны явцын танилцуулгыг хийв.
✅️Тус хөтөлбөрийн хүрээнд аймаг, дүүргийн Засаг даргын Тамгын газрын удирдах албан тушаалтнууд, хэлтэс албадын дарга нар болон мэргэжилтнүүдэд жендэрийн талаарх мэдлэг ойлголт нэмэгдүүлэх сургалт, нөлөөллийн ажлыг голчлон хийсэн бөгөөд 2025 оны эхний хагас жилийн байдлаар 15 удаагийн сургалтад 412 хүнийг хамруулжээ.
✅️Орон нутагт очиж ажилласан менторууд аймаг, дүүргүүдэд жендэрийн эрх тэгш байдлын талаарх мэдлэг ойлголт, жендэрийн мэдрэмжтэй бодлого, төлөвлөлт, төсөвлөлт дутмаг, удирдлагууд болон албан хаагчдад энэ талаарх ойлголт мэдлэгийг сургалтаар дамжуулан нөлөөлөх нь үр дүнтэй, хэрэгцээтэй байна хэмээлээ.
✅️Тус уулзалтад Жендэрийн мэргэшсэн шинжээч, үндэсний сургагч багш нар, менторшип хөтөлбөрийн ерөнхий зохицуулагч, Жендэрийн үндэсний хорооны Ажлын албаны холбогдох мэргэжилтнүүд оролцож, 21 аймаг, нийслэлийн 9 дүүргийн жендэрийн стратеги төлөвлөгөөг батлахад анхаарах асуудлын талаар хэлэлцүүлэг өрнүүлээ.

Шинэ мэдээ

Цахим тест



Санал хүсэлт





  • Монгол улс, Улаанбаатар 14200-0063 Сүхбаатар дүүрэг 6-р хороо, Нэгдсэн Үндэстний гудамж-20 Жендэрийн үндэсний хорооны байр

  • (+976) 7007-1116

  • secretariat@ncge.gov.mn

© 2025 он. Жендэрийн үндэсний хороо. Бүх эрх хуулиар хамгаалагдсан. Вэб хөгжүүлэгч Mind Agency