УВС АЙМГИЙН ЖЕНДЭРИЙН САЛБАР ХОРОО ХУРАЛДЛАА
ЖҮХ-ны Увс аймгийн Жендэрийн эрх тэгш байдлыг хангах салбар хорооны хурал 2026.01.27-ны өдөр тус аймгийн ЗДТГ-т өргөтгөсөн бүрэлдэхүүнээр хуралдлаа.
Увс аймгийн хувьд 2017-2021 онд Жендэрийн дэд хөтөлбөрөө хэрэгжүүлж дууссан бөгөөд 2022-2024 салбар хорооны жилийн ажлын төлөвлөгөөний хүрээнд ажиллаж байсан.
Канадын Засгийн газрын дэмжлэгтэй Монгол Улсад хүний эрх, ёс зүйг дээдэлсэн, тэгш хүртээмжтэй чадахуйн зарчимд суурилсан төрийн албыг бэхжүүлэхэд дэмжлэг үзүүлэх зорилготой “Канад -Монголын Мерит төсөл”-ийн дэмжлэгтэйгээр хэрэгжиж дууссан Жендэрийн дэд хөтөлбөртөө дүн шинжилгээ, үнэлгээ хийлгэх ажлыг амжилттай хэрэгжүүлж, орон нутгийн өнөөдрийн бодитой нөхцөл байдлаа тодорхойлж чаджээ.
Салбар хорооны 2026 оны эхний хуралдаанаар:
– Жендэрийн дэд хөтөлбөрт хийсэн дүн шинжилгээний тайлан мэдээллийг сонсов.
– 2026-2028 онд хэрэгжүүлэх үйл ажиллагааны төсөл хөтөлбөрт санал авч хэлэлцүүлэг өрнүүлэв.
Хуралд аймгийн удирдлагуудаас гадна ЖҮХ-ны нарийн бичгийн дарга бөгөөд Ажлын албаны дарга А.Адилбиш, ЖҮХАА-ны Ахлах мэргэжилтэн Энхжаргал, Цэнд-Аюуш нар оролцсоноос гадна Мерит төслийн зөвлөх багийн гишүүд хамтран оролцож санал солилцлоо.
Увс аймагт 2017 онд эрэгтэй хүний дундаж наслалт 63.93, эмэгтэй хүний дундаж наслалт 72.87 байсан бол 2024 оны байдлаар эрэгтэй 67.41, эмэгтэй 74.99 болж ахиц өөрчлөлт гарчээ.
